Home » » Ngeunteung

Ngeunteung

Kakara deui ngeunteung
kana eunteung nu ngadaplok dina tembok
geuning dina keureutan beungeut téh
teu kapanggih
jiwa nu rapih
Pikiran teu weléh honcéwang
kalan-kalan méh poho
yén hirup geus dipaké amal
atawa geus teu bisa ditambal
méh baé lali
umur nu cueut ka hareup
geus dirarangkénan tobat
atawa kosong molongpong
remen suwungna, wah gawat
Euleuh, kumaha kuring
kuring kumaha
Euleuh kuring
Euleuh-euleuh
Kumaha kuring? Ceuk eunteung
Bandung, 061997

0 comments:

Post a Comment

Popular Posts