Home » » Ka Jogja Sawaréh Aya di Jakarta

Ka Jogja Sawaréh Aya di Jakarta

Ka Jogja Sawaréh Aya di Jakarta
Beueus kongkolak panon téh
Kasono nerejel
Maruragan lalaunan
Basa kelemeng pupundén ati
Awor jeung laju beus
Nu ngagerung ka kulonkeun
Lila teuing sidakep
Ti tengah peuting kamari
Bada asar karék kabaca
'Selamat Datang Di Jogja'
Geuning sawaréh rasa
Tinggaleun di Jakarta
Bari leungeun pahibut jeung totopong
Nyumputkeun merebeyna cimata
Kelemeng Si cikal jeung si bungsu
Padahayang kagambarkeun deui
Dina kaanggangan
Bet karasa
Aya nu dukdek padeukeut

Muntilan, 12 Mei 2014

0 comments:

Post a Comment